Сугыш тәмамлануны санаучы еллар саны арткан саен, арабызда әлеге Бөек Җиңүне якынайткан сугыш ветераннары, тыл ветераннары саны кими бара. Бу көннәрдә илебез башлыгы Указы белән сугыш, тыл ветераннарына Бөек Җиңүнең 75 еллыгы уңаеннан юбилей медальләре тапшыру бара.Бүген Чиканас авылында  "Барысы да - фронт өчен, барысы да - Җиңү өчен" девизы астында иртәдән кичкә кадәр армый-талмый эшләгән тыл хезмәтчәннәре Җәләева Фоадия апа белән Нуриева Сания апага  юбилей медальләре тапшырдылар.Әлеге тантанада безнең укучыларыбыз да  матур чыгышларын күрсәттеләр, ә ветераннарыбыз  хәтерләрендә мәңгегә уелып калган сугыш вакыты истәлекләре белән уртаклаштылар. Алдагы көннәрендә якыннарының кайгыртуын тоеп, сәламәтлектә озын-озак яшәүләрен телибез. Сезгә барысы өчен дә олы рәхмәтебезне һәм хөрмәтебезне белдерәбез, алдыгызда баш иябез.