Математика фәненә мәхәббәт тәрбияләүне  һәм бу фәнгә карата  укучыларның кызыксынуларын арттыруны  класстан тыш чаралардан башка күз алдына китереп булмый. Балаларның кызыксынуларын һәм теләкләрен истә тотып, оештырылган чаралар фәнне яхшырак үзләштерүгә ярдәм итә. Мәктәбебездә уза торган математика атналыгы моның ачык мисалы. Чөнки ул ел саен кызыклырак  була, күңелләргә кереп кала. Менә бүген дә   5 нче һәм  6  нчы  класс укучылары белән  "Кем зирәк?" дип аталган  математик  КВН  булды. Укытучылары Ф. С. Нуретдинова  әзерләгән сорауларга укучылар төгәл җавап биреп кенә калмыйча, конкурсларда да  бик теләп, актив катнаштылар. Мондый  ярышлар укучыларны туплый, тагын да бердәмрәк итә.