Мәктәбебездә хәрби-патриотик айлык кысаларында классларда “Сталинград сугышы-хәлиткеч борылыш” дип исемләнгән сыйныф сәгатьләре узды. Быел 2 февральдә Сталинград өчен барган бәрелешләрдә җиңүгә 75 ел булды. Икенче Бөтендөнья һәм Бөек Ватан сугышларында бөек борылыш чоры буларак теркәлгән Сталинград кан коешы 1942 елның 17 июлендә башланып китә. Вермахт гаскәрләре шәһәрнең төньягындарак булган Идел елгасына ук үтеп керә. 125 көн дәвамында канкойгыч бәрелешләр бара. Һәр урам һәм һәр йорт йөзләгән, меңләгән корбаннар белән яулап алына. Вокзал бинасы гына да 13 тапкыр кулдан-кулга күчә. Шәһәр җимерелә һәм кирпеч ватыкларыннан, вак ташлардан, тимер-томыр өемнәреннән торган хәрабәләргә әверелә. Сталинградны саклап калу гына түгел, фашистларның 300мең кешедән торган дивизиясе дә камап алына һәм юк ителә.Сталинград сугышы күп кешенең гомерен ала. Ләкин совет сугышчыларының батырлыгы,туган илгә мәхәббәте Ватанны саклап калырга көч бирә.Класс сәгатендә сөйләнелгән вакыйгаларга беркем  дә битараф калмады, үз кичерешләрен башкалар белән уртаклаштылар. Рус полководецлары белән беррәттән, якташыбыз  Советлар Союзы  Герое,  Сталинград сугышында зур батырлык күрсәткән райондашыбыз Гани Сафиуллин турында да күп мәгълүмат җиткерелде.