Шул  уңайдан ,Өчиле төп гомуми белем мәктәбендә 21 ноябрьдән 25 ноябрьгә кадәр “Әнием-Кадерлем” дип исемләнгән атналык игълан ителде.Атналык кысаларында укучылар тәрбия дәресләрендә әниләргә багышланган әңгәмәләр үткәрделәр.Фойеда рәсем,фотогалерея,котлау открыткалары күргәзмәләре оештырылды. Һәр класс стена газеталары ясады.Шулай ук,укучылар әниләре турында рус һәм татар телләреннән иншалар язып килделәр. Әниләребез чын дәрәҗәсендә алтын куллы икән. “Алтын куллы Әнием “ исемле күргәзмәне аларның кул эшләре бизәп торды.25 ендә  исә,  әти-әниләр җыелышы һәм “Әнием-таң йолдызым”исемле  бәйрәм кичәсе үтте. Кичәдә әниләребез  үз балаларының чыгышларын карадылар,теләкләрен тыңладылар.  Җыелышта исә,укыту-тәрбия мәсьәләләре буенча эчтәлекле  чыгышләр тыңланды. Әниләр үзләрен борчыган сорауларга җаваплар алдылар,үз фикерләрен әйттеләр.Барлык әниләрне дә бәйрәмнәре белән ихлас котлыйбыз.Сәламәтлек,хәсрәтсез көннәр,гел бәхеттә яшәүләрен телибез.