25 октябрь көнне мәктәптә 2011-12 нче елның 1 нче чиреге йомгаклауга әзерлек линейкасы булды. Уку елының 1 нче чиреген укучылар укуда, спортта зур уңышлар белән каршылыйлар. 5 класс укучысы Хәкимҗанов Рашат шашка буенча район беренчелегендә җиңүче булды, шул ук класстан Зайнуллин Данил суда йөзү буенча район беренчелегендә катнашып, 5 нче урын яулады. 9 класс укучысы Хабибуллин Илшат 29 октябрь көнне республика күләмендә технология буенча уза торган конкурста катнашырга әзерләнә. "Тылсым" бию коллективы октябрь бәйрәмендә узачак концертта катнашу өчен матур биюләр әзерли. Укучылар ноябрҗ аенда узачак район олимпиадаларына , "Авангард" олимпиадаларына әзерләнәләр.

    Төп эшебез - уку! Класс журналларында "2" ле билгеләре күренмәсә дә, бик тырышырга кирәк әле. Узган ел уку нәтиҗәләре буенча уку сыйфаты 60% тан артык булса, бу чиректә азрак төшәргә мөмкин. Укучылар китапханәләргә азрак йөри башлады. Дөрес, бу көзге эшләр белән аңлатыла. Белемнән башка тормыш юк икәнен онытмыйк!