“Нәүрүз” ул – Яңа ел, яңа көн дигән сүз. Бу бәйрәм – борынгыдан килгән бәйрәм. “Нәүрүз” – көн белән төн тигезләшкән чакка - 21-22 мартка туры килгэн,  шулай ук бу бәйрәм безнең төбәкләрдә язны каршылап, язгы чәчү эшләре алдыннан үткәрелә торган халык бәйрәме булып санала. Чарага Нәүрүзбикә, Кояш,  көн һәм төн геройлары килгәннәр. Кыш бабайга китәргә вакыт җитсә дә, ул үз урынын язга бирәсе килмәде. Шуңа күрә, Кыш бабай һәм бәйрәмнең төп сәбәпчесе булган Нәүрүзгә  көч сынашырга туры килде. Алар йомырка салынган кашык белән  йөгерделәр, такмаклар да әйтештеләр. Нәтиҗәдә Нәүрүз җитезрәк булды. Кыш бабайның Нәүрүзбикәгә юл бирми чарасы калмады. Бәйрәмебез карга боткасы, коймак ашау, күңелле уеннар белән бик күнелле барды.