Бүген “Ак каен” ял һәм сәламәтләндерү лагеренда ял итүче балалар Кырлайга Габдулла Тукай музеена сәяхәткә бардылар. Сәгъди абзый йортына кереп, ул чордагы татар авылының яшәү шартлары белән таныштылар. Тезелеп киткән әкият геройлары балаларны шагыйрь йөргән сукмакларга алып төште. Музейда экскурсовод нәниләрне һәр экспонат белән җентекләп таныштырды, ә балалар йотлыгып тыңладылар һәм игътибар белән күзәттеләр. Тукай иҗаты турында искиткеч күп мәгълүмат тупладылар. Бик күңелле һәм файдалы сәяхәт булды бу!