24 нче апрельдә  технология укытучыларының “ Укытучының технология дәресләрендә укучыларның иҗади үсеш мөмкинлекләрен формалаштыру системасы “дип исемләнгән район  семинары үтте. Семинар эшендә мәгълумати-методик үзәк методисты Р.Г.Фөйзиева катнашты.  Әлеге семинарда беренче категорияле технология  укытучысы Камалиев Р.Г. ачык дәрес, кичә  күрсәтте. Рөстәм Гарәфетдинович дәрестә “Декоратив-кулланыштагы әйберләр җитештерү. Бизәкләп киселгән металл. Иҗади проект башкару” темасы астында тулы бер дәрес блогын оештыру технологиясе, аны үтәү юлларын күрсәтте.  Сыйныфтан тыш чара итеп, "Әлдермеш бабайда кунакта" дигән ярыш тәкъдим ителде.Семинарда катнашучылар тарафыннан Камалиев Р.Г. эшчәнлегенә  югары бәя бирелде.

    Семинарда технология дәресендә “Сингапур методикасы”н куллану турында чыгыш оештырылды, бу методның өстенлекле һәм кимчелекле яклары турында фикер алышу булды.

    Семинар эшчәнлегендә Арча муниципаль районы башкарма комитеты МУ “Мәгариф белән идарә итү”начальнигы Р.Р.Бәдриева да катнашты, бүгенге көндә технология укытучылары алдында торган бурычларны чишү юллары белән уртаклашты.