Хөрмәтле дуслар! Кадерле хезмәттәшләр! 

Барыгызны да якынлашып килүче яңа ел белән котлыйм! 

Әлеге искиткеч һәм барыбыз да яраткан бәйрәм уңаеннан иң изге теләкләрне кабул итеп алыгыз!  Яңа ел төне – өметләр вакыты. Эшләрегез уң булсын, чәчәк атсын, күңелегездәге мәрхәмәтлелек нуры җаныгызны тагын да ягымлы, матур итсен, ялкынландырып бизәсен. Бусагаларыгыздан караңгылык, салкынлык, хәвеф - хәтәр атлап кермәсен, бәла - каза йөрмәсен. Гаилә бәхетегез сүнмичә барып торсын. Мин һәрберебезгә тынычлык,  иминлек, бәхет һәм шатлык, сәламәтлек һәм уңышлар телим! Яңа ел белән!

Ап-ак карларга уралып

Син киләсен Яңа ел!

Ак карлардай ак бәхетле,

Булсын безнең яңа юл.

 Бүген бакчабызда балалар күптән көткән Чыршы бәйрәме. Бу бәйрәмгә балалар матур шигырьләр, җырлар, биюләр өйрәнделәр. Алар Кыш бабай белән Кар кызына үзләренең осталыкларын күрсәттеләр. Кыш бабай нәниләргә  бүләкләрен өләште. Бәйрәм әти-әниләргә, кунакларга  бик ошады.

Килсен Яңа ел, килсен,

 

Ак бәхетләр алып килсен!

 

Шул бәхетне барыбызга,

 

Тигез итеп бүлеп бирсен.

 

    Бүген, 22 нче декабрь көнне,  мәктәптә  1- 5 нче сыйныф укучылары өчен Яңа ел бәйрәме үтте.Бәйрәмне без дә карадык. Бәйрәм барышында укучылар матур җырлар, дәртле биюләр, чыршы әйләнәсендә әйлән – бәйлән уеннары уйнадылар. Бүгенге көн  балаларның хәтерендә озак сакланыр, чөнки балаларыбызны  Арча электр челтәре җитәкчесе Нурмухаметов Нияз Фарит улы бәйрәм белән котлап, үзенең бүләкләрен тапшырды. Килгән кунакларга чиксез рәхмәтләребезне җиткерәбез.