Габдулла Тукай иҗаты - серле бакча кебек могҗизалы ил. Ул һәркемне үзенә чакырып тора. Һәр кешенең күңелендә үз Тукае бардыр, мөгаен. Сарай-Чокырча башлангыч мәктәбендә Габдулла Тукайның иҗатын һәм тормыш юлын искә төшерү максатыннан “Тукай иҗатына сәяхәт” дип исемләнгән тематик әңгәмә үткәрелде, шагыйрьнең әсәрләре буенча төшерелгән “Шүрәле“, ”Су анасы“, ”Кәҗә белән Сарык“ мультфильмнары күрсәтелде.
Әлеге мультфильмнар матур, образлы, мавыктыргыч һәм гади. Алар баланың аңында яхшылык һәм явызлык, тәрбиялелек һәм тәртипсезлек турында күзаллаулар тудыра. Әлеге мультфильмнардагы вакыйгалар балаларны дөрес тәрбияләргә өйрәтә, аларның фикерләү дәрәҗәсен, фантазияләрен үстерә, дөньяны танып белергә өйрәтә.