1 нче сыйныфта Әлифба бәйрәме узды. Җир йөзендә кем генә булмасын, кайда гына хезмәт итмәсен, ул зул дулкынлану белән үзенең нәни кулларына тәүге тапкыр әлифба алганын искә төшерә. Чөнки һәркемнең дә белем дөньясына аяк атлавы Әлифбадан, Азбукадан башланган. Димәк, Әлифба китабы озын гомерле, тирән мәгънәле, бәһасез байлык ул. Бәйрәмдә  балаларның әти-әниләре дә катнашты. Әлифбаны тәмамлау - беренче сыйныф укучыларының мәктәп дигән белем йортындагы беренче җиңүләре. Хәрефләр белән танышу, алардан иҗекләр, сүзләр төзү җиңел булмады. Әмма алар тырышып белем алдылар: укырга, язарга өйрәнделәр. Әлифба аларны дус, тату булырга, укучылар өчен кагыйдәләрне үтәргә өйрәтте.  Бәйрәм бик күңелле үтте, 1 нче сыйныф укучыларына киләчәктә дә уңышлар телибез!