“Солдатка озату йоласы” авылларда элек-электән бик зурлап уздырылган. Ватанны саклау – һәрбер ир-егетнең изге бурычы. Хәрби хезмәткә баручы егетләрне авыл халкы алдан ук белеп торган. Китәсе егетне өйләргә чакырып кунак иткәннәр, кечкенә булса да ярдәм оештырганнар. Әби-бабайлар изге теләкләрен укып, догаларын кылганнар. Авыл халкы бердәм булып, егеткә изге теләкләрен әйтеп гармуннар уйнап озатып калган. Халкыбызның матур йола - гадәтләрен онытмау, аларны киләчәк буыннарга да җиткерү, укучыларда патриотизм хисләре тәрбияләү максатыннан 8-9 нчы класс егетләре һәм кызлары әнә шундый матур йоланы сәхнәләштерде.