Муниципальное бюджетное общеобразовательное учреждение «Сикертанская основная общеобразовательная школа имени Галиаскара Камала» Арского муниципального района Республики Татарстан
Визитная карточка
Адрес: | 422028, с. Сикертан, ул. Школьная, д. 77 |
Телефон: | +7(843)-665-22-18 |
E-Mail: | Ssik.Ars@tatar.ru |
Министерство: | Министерство образования и науки Республики Татарстан |
Короткое название: | МБОУ "Сикертанская ООШ им. Г. Камала" Арского муниципального района РТ |
Руководитель: | Сунгатов Шаукат Завдатович |
Год основания учреждения: | 2003 |
У нас учатся: | 33 |
У нас учат: | 11 |
Муниципальное бюджетное общеобразовательное учреждение «Сикертанская основная общеобразовательная школа имени Галиаскара Камала» Арского муниципального района Республики Татарстан - новости
Страницы: << 61 62 63 ( 64 ) 65 66 67 68 69 70 >>
-
“Татар милли ашлары" дигән күргәзмә
18.01.2021
Татарстанда 2021 нче ел Туган телләр һәм халыклар бердәмлеге елы дип игълан ителде. Шул унайдан Г.Камал исемендәге Сикертән төп мәктәбенең залында “Татар милли ашлары” дигән күргәзмә төзелде. Бу күргәзмәдә татар халык ашларына багышланган китаплар тәкъдим ителде. Күргәзмәдә милли ашларның рецептлары да урнаштырылган.
-
Шахмат-шашка ул - зирәкләр уены
15.01.2021
Мәктәбебездә физик тәрбия һәм ТИН укытучысы Нәбиуллин Р.Р. җитәкчелегендә шахмат-шашка түгәрәге уңышлы гына эшләп килә. Элеге уен балаларның акыл көчен генә арттырып калмый, иҗади яктан да үстерә. Шахмат-шашка уены уйнап, алар үзләрен тыныч тотарга, авыр мәсьәләләрне уйлап хәл итәргә өйрәнәләр. Укучылар түгәрәккә бик теләп йөриләр, шахмат һәм шашка уйнауның төрле алымнарын өйрәнәләр һәм ярышларда актив катнашалар. Остазларына һәм укучыларына зурдан-зур уңышлар телибез!
-
Тимераякта шуу - бер ләззәт!
14.01.2021
Елның әкияти һәм матур вакыты-кыш. Ул дөньяга салкынннар , кар бураннары һәм кар көртләре алып килә. Әмма, шул ук вакытта, ул кышкы көнне күңелле үткәрү мөмкинлеге дә бирә. Тимераякта шуу хәрәкәт активлыгының уникаль төренә керә, ул бер үк вакытта спорт та, яхшы ял да булып тора. Аның уңай йогынтысын тою өчен, профессиональ фигурист булу мәҗбүри түгел-тимераякта шуарга өйрәнү һәм соңыннан даими рәвештә шугалакка йөрү дә җитә.
-
13 нче гыйнвар - Россия матбугаты көне
13.01.2021
13 гыйнварда Россия матбугаты көне билгеләп үтелә. Нәкъ менә бу көнне 1703 елда Петр I указы буенча "Ведомости" газетасының беренче саны дөнья күргән. Газета Мәскәүдә дә, Санкт-Петербургта да нәшер ителгән, шул ук вакытта даими исеме булмаган диярлек - «Ведомости», «Российские ведомости», «Ведомости Московские» дип тә аталган. 1870 елның 1 гыйнварыннан почта учреждниеләрендә Россия һәм чит ил басмаларына язылу тәҗрибәсе кертелгән. Бу вакытлы матбугатка язылу үткәрү турында беренче карар булган. Ә 1914 елда илдә өч меңнән артык газета һәм журнал нәшер ителгән. 1917 елдан башлап Россия матбугат көне 5 майга - төп совет газетасы - "Правда" чыга башлаган көнгә күчерелгән һәм Совет матбугаты көне дип үзгәртелгән. Бары 1991 елда гына РФ Югары Советы Президиумының 28 декабрьдә кабул ителгән "Россия матбугаты көне турында"гы карары белән Россия матбугаты көне 13 гыйнварга күчерелгән.
-
Экологик диктант
12.01.2021
Мәктәбебез укучылары төрле конкурсларда, чараларда актив катнашалар. II нче Бөтенроссия экологик диктантында катнашып, Мәҗитова Г.Д., Хәбирова Ә. И., Гобәева А.А., Шәмсемөхәмәтова И. И. җиңүче дипломына ия булдылар. Укучыларга алга таба да зур уңышлар телибез.
-
III чирек башланды
11.01.2021
Күңелле бәйрәм ялларыннан, озын каникулдан соң мәктәптә укуның иң озын чиреге - III чирек башланды. Сагындырып кына яуган ап-ак карга күмелеп кышкы каникуллар да үтеп китте. Ә бүгеннән инде укырга! Хәерле сәгатьтә!
-
М.Мәһдиев музеена сәяхәт
09.01.2021
Буген 6-нчы сыйныф укучылары класс җитәкчесе Сәгыйдуллина Ч.Р. белән Гөберчәк авылында урнашкан М.Мәһдиев музеена экскурсиягә бардылар. Музей мөдире Габидуллина Х.К. укучыларны М.Мәһдиевнең тормышы һәм иҗат юлы белән таныштырды. Укучылар "Тарих! Дөньяда иң бөек нәрсә - син! Син тузмыйсың, байыйсың гына" (М.Мәһдиев) дип исемләнгән стенд янында тукталдылар. Бу стенд буенча музей мөдире Гөберчәк авылы тарихы, авыл тарихында якты эз калдырган кешеләр турында сөйләде.
-
Чаңгыда шуу файдалы.
08.01.2021
Каникулның һәр көне кызыклы һәм мавыктыргыч үтә. Бүген укучыларыбыз саф һавада рәхәтләнеп чаңгы шудылар,табигатьнең матурлыгына сокланып йөрделәр. Саф һавада йөрү, чана-чаңгыда шуу сәламәтлеккә файдалы гына түгел, күтәренке кәеф чыганагы да!
-
Галиәсгар Камалның туган көне
07.01.2021
Галиәсгар Камал, тулы исеме Галиәсгар Галиәкбар улы Камалетдминов (1879 елның 6 нчы гыйнвары - 1933 нче елның 16 июне) - татар халкының бөек драматургы, язучысы, егерменче йөз башы татар әдәбияты, мәдәнияте һәм сәнгате тарихында зур урын алып торган әдипләрнең берсе. Хезмәт Батыры (1923). 1926 елда Г.Камалга рәсми төстә "Татар халык драматургы-әдибе" исеме бирелә һәм ул - "татар драма әдәбиятының зур хезмәтчесе, атасы һәм татар артистларының якын ярдәмчесе" дип бәяләнә. Хәзер исә Казанда урнашкан Татар дәүләт академия театры Галиәсгар Камал исемен йөртә.
Г. Камал – татар драматургиясендә комедия жанрына нигез салган язучы. «Беренче театр» (1908), «Банкрот» (1911), «Бүләк өчен» (1909), «Безнең шәһәрнең серләре» (1911) үз чорының актуаль проблемаларын күтәргән, кызыклы сәхнә әсәрләре. 2008 нче елның 28 нче ноябереннән мәктәбебез аның исемен йөртә. Камал оныклары булуыбыз белән чын мәгънәсендә горурланабыз. Г. Камал артислары белән һәрдаим аралашып торып рухи мирасыбызны баетабыз.
-
Каникул дәвам итә...
06.01.2021
Каникулның һәр көне сизелмичә үтеп бара. Безнең мәктәп укучылары ялларын файдалы һәм кызыклы итеп үткәрәләр. Чана-чаңгы шуалар, саф һавада рәхәтләнеп күңел ачалар.
Чанада да шуабыз,
Чаңгыда да шуабыз.
Тимераякта очабыз,
Чыжлап тора шома боз.
Тауларга да барабыз,
Кырларга да чыгабыз.
Кар-буран дип тормыйбыз,
Шуабыз да шуабыз.