Укытучыларыбыз,бәйрәмегез белән сезне! Уңышларыгызга сөенеп,бәхет хисе

кичереп яшәргә язсын сезгә.Һәр таңны шатланып каршы алыгыз,сау-сәләмәт булыгыз,заман

авырлыклары,күңел төшенкеләре сезне читләтеп үтсен,хыялларыгыз һәрвакыт чынга ашсын.Мәктәп

елларын,сезне һәрвакыт җылы сүзләр белән искә алырбыз.

Рәхмәт сезгә барысы,барысы өчен

Яшәү көче,дәрте сүнмәсен

Сәләмәтлек сезне ташламасын

Авырлыклар бер дә килмәсен.

1 нче октябрь - Өлкәннәр көне. Бу бәйрәмне без  иң кадерлеләребез хөрмәтле вете-

реннарыбыз, ак яулыклы апа-әбиләр, түбәтәйле аксакалларыбыз хөрмәтенә оештырабыз.

Хөрмәтле, өлкәннәребез! Сезнең алда баш иябез. Сәламәт булыгыз. Кайгы-хәсрәтсез

аяз, тыныч көннәр Сезгә.

25 нче сентябрь  көнне, мәктәбебезгә цирк килде. Клоуннар чыгыш ясады, фокус күрсәттеләр, биюче егет матур биюләрен башкарды. Елан белән фотога төшү мөмкинлеге дә булды. Укучыларыбызга бик охшады.

Менә Беренче сентябрь да килеп җитте. Көзнең һәм көз белән бергә Яңа уку елының башлануын белдереп, җиз кыңгырау чылтырый. Бу чың мәктәп бусагасын әле яңа гына атлап кергән сабый балага да, инде чәчләренә ак кырау кунган өлкән яшьтәге укытучыга да бердәй тәэсир итә: күңелләрне кытыклап, каядыр ашкындыра, йөрәкләрдә әллә нинди өметләр уята, сөендерә. Бу көн әти-әниләрне дә битараф калдырмый. Алар да шундый ук шатлык хисләрен кичерә. Сабыйларына белем бирәчәк укытучыларга кочак-кочак чәчәкләр алып киләләр. Әйе, күзләрдән яшь китерә торган иң тылсымлы бәйрәмнәрнең берсе ул 1 нче сентябрь. Әнә шундый уңай хисләр белән башланып киткән яңа уку елы барыбызга да уңышлар гына алып килсен иде. Һәрберегезгә дә сәламәтлек, гаилә бәхете телим, гел шатлыклар гына кичереп, рәхәтләнеп эшләргә язсын сезгә бу уку елында.