Туган телебезне балаларыбызга өйрәтү, аңа карата мәхәббәт тәрбияләү тәрбиячедән зур осталык, түземлелек сорый. Тәрбияченең бурычы: балаларда милли азаң, горурлык хисләре булдыру һәм, иң мөһиме - әхлаклы шәхес тәрбияләү. Ул балалар өчен тәрбияче апа гына түгел,ул - киңәшче дә, ярдәмче дә. Туган тел - милли яшәешнең төп шарты. Тел язмышы милләт язмышы белән тыгыз бәйләнгән. Без Татарстан җирендә яшибез икән, аның һавасын сулыйбыз икән, димәк, без дә үз телебезне яхшы белергә тиеш. Балаларыбызны милли традицияләр, бәйрәмнәр, бөек кешеләр белән таныштыру максатыннан, бакчабызда  «Туган тел» декадасы  кысаларында    париот шагыйребез  Муса Җәлил иҗатына багышланган чара үтте. Бу чарада  балаларга  Муса Җәлилнең тормыш юлы һәм иҗаты турында мәгълүмат бирелде. Муса Җәлилнең шигырьләрен укыдылар,  яттан сөйләделәр.Чараның максаты – шагыйрьнең  иҗатына карата кызыксыну уяту,  Герой-шагыйрь М. Җәлил белән горурлану, үз халкыңның батыр улларын онытмау хисе тәрбияләү  иде.