Укучыларга һөнәри юнәлеш бирү максатыннан мәктәбебездә 8-11 нче класслар өчен “Һөнәрле үлмәс-һөнәрсез көн күрмәс”исемле очрашу кичәсе үтте. Бу чарада "Ак Барс" агрокомплекс" ширкәте директоры Набиуллин Илнар Фердинатович, "Ак Барс" агрокомплекс" ширкәте директоры киңәшчесе Салахов  Шайдулла Имамович, Арча Аграр көллияте директоры Дәүләтбаев Зөлфәт Миннефарович, мәктәпне хөрмәт иткән, бүгенге көндә шушы җирлектә хезмәт куйган егет-кызларыбыз: ясалма орлыкландыру технологы, куп еллар ветеринария табибы булып эшләгән Шакиров Ленар Сәфәргалиевич, экономист Исмәгыйлева Айгөл Рәдифовна ,  хезмәткәрләр белән эшләү буенча баш белгеч Шәрәфетдинова Миләүшә Зәкәриевна катнашты.
     Кайсын гына алсак та, аларның һәрберсе җәмгыятебез өчен бик кирәкле. Һөнәре булган, кулыннан эш килгән кешенең җирдә һәрвакыт үз урыны, үз юлы, үз һөнәр җимешләре була. Нинди генә чорда яшәсәк тә, намуслы хезмәт кешесе булып калырга кирәк. «Тырышкан табар, ташка кадак кагар» дигән мәкаль һөнәр белгән һәр кешегә туры килә. Ләкин шуны онытмаска кирәк: һөнәр сайлаганда кеше үз язмышын сайлый. Сайлаган һөнәре үзенә ошый һәм шатлык китерә торган булырга тиеш. Шуңа күрә киләчәк өчен һөнәр сайлаганда, һөнәрләр дөньясы, һөнәри белем бирү юллары турында файдалы мәгълүматларны белү зарури!
     Чара концерт номерлары  белән үрелеп барды.Очрашу бик җанлы һәм файдалы үтте