Бу берәү өчен дә сер түгел. Әниләр янда булганда җаныбыз тыныч, өебез ямьле, сулышлар киң. Әниләрнең күңеле киң! Анда бары да - назы да, сабырлыгы да, куаныч-шатлыгы да, сагышы да сыйган. Ә менә бүгенге көндә СВОдагы егетләрнең әниләре өчен бу хисләр икеләтә күләмдә мөһим. Уллары өчен борчылып, сагышланып агарган чәчләре, моңсу күзләрендәге яшьләренең кипмәве, таң туган саен балалары исәнлеген сорап укыган догалары өчен алларында башыбызны иябез. Бу зур хәрефтән Әниләрне Аллаһ Тәгалә сабырлыктан аермасын, балалары белән куанычлы очрашулар насыйп булсын, без барыбыз да шул теләктә.

Бәйрәм уңаеннан махсус хәрби операциядәге егетләрнең Әниләре белән очрашып, изге теләкләребезне юлладык, балалар көче белән әзерләнгән җыр-биюләрне тәкъдим иттек.Махсус хәрби операциядән вакытлыча ялга кайткан батыр егетебез Габидуллин Нәсим белән дә очраштык. Егетләребезнең һәрберсе белән горурланабыз, аларның рух ныклыгы, сабырлыгы, батырлыклары алдында баш иябез! Илләр тыныч булып, әлеге егетләребезнең һәрберсен туган якларында, туган йортларында таза-сау килеш күрергә язсын!