17 сентябрь көнне 8-11нче класс укучылары күрше Урта Курса, Сикертән, Сеҗе мәктәбе укучылары белән бергә Казанга Татарстанның табигый тарих музеена экскурсиягә бардылар. Балалар “Балык һәм җир-су хайваннары патшалыгы”,  “Казан диңгезе”, “Хайвансыман кәлтәләр чоры”, “Диңгез рептилияләре”, “Динозаврлар чоры”, “Имезүчеләр дөньясы”  залларында экскурсовод сөйләгәнне кызыксынып тыңладылар, үзләрен кызыксындырган сорауларын бирделәр, шулай ук әңгәмәдә дә теләп катнаштылар. 1 этажда урнашкан “Җир һәм галәм”, “Җир минераллары”, “Борынгы заман дөньясы”, “Җир шарының кара алтыны”,  Җир асты хәзинәләре”, “Юл башы” заллары белән таныштылар. 3 нче этажда  эрмитажда булып, бөек художникларның картиналары белән таныштылар. 
Казан Кремленә оештырылган интерактив экскурсия балаларга бик ошады.