Терроризм — бүгенге көндә иң дәһшәтле, канкойгыч социаль күренеш.
    Татарстанда күп гасырлар дәвамында йөздән артык милләт вәкилләре дус һәм тату яши. Үзара аңлашу, төрле халыкларның бер- берсенең гореф-гадәтләренә, мәдәни һәм рухи кыйммәтләренә карата ихтирамлы мөнәсәбәт — республикабызда тынычлыкның һәм иминлекнең төп нигезе.
     Мәктәбебездә терроризм һәм экстремизм күренешләрен кисәтү максатыннан, класс сәгатьләре үткәрелде. Без барыбыз да уяулыкны югалтмаска, җаваплылыкны киметмәскә тиешбез.
Халыклар дуслыгы, үзара хөрмәт барлык көрәшләрдә дә өстен булырга тиеш. Илебез тыныч булсын, бәла-казалар, көтелмәгән бәхетсезлекләр һәммәбезне дә урап үтсен.