Лагерьның 15 көне "Илне ач!" девизы астында үтте. Традицион рәвештә бүгенге көн иртәнге линейка, зарядка белән башланып китте. Иртәнге аштан соң отрядлар арасында "Аршинда ничә сажин" исеме астында лагерькүләм мероприятие булып узды. Чара файдалы һәм эчтәлекле килеп чыкты. Балалар география, тарих, туган як традицияләре  турында белемнәрен ныгыттылар.  "Сөембикә" манарасын төзү буенча иҗади проект төзеделәр. 9 нчы Совет сборында "Милли мәдәният һәм традицияләр" дигән тема буенча квизга әзерләнделәр. Төшке аштан соң төрле илләргә виртуаль онлайн сәяхәт  иттеләр. Отряд рюкзакларына көн символикасы булган очкыч  рәсемен салдылар.