Лагерьның 13 көне "Планетаны сакла!" девизы астында үтте. Максатыбыз: планетаның экологик торышы өчен борчылу һәм табигать белән нәтиҗәле хезмәттәшлек итү, укучыларның табигать һәм экологик белемнәрен киңәйтү һәм тирәнәйтү, табигатькә сак караш тәрбияләү. Иртәнге аштан соң балалар "Минем кебек эшлә" экологик уенында катнаштылар.Чүп җыю буенча белешмә ясадылар, интерактив уен уйнадылар.Төшке аштан соң Сеҗе янгын сүндерү бүлекчәсеннән килгән янгын сүндерүчеләр белән очраштылар. Алар янгын вакытында үз-үзеңне тоту, янгын булдырмас өчен нәрсәләр эшләргә кирәклеге турында сөйләделәр. Балаларны янгын сүндерү машинасы белән таныштырдылар.7 нче Совет сборында Бөтендөнья миниатюралы яшьләр фестиваленә әзерлек эшләре алып барылды. Көн ахырында отряд рюкзакларына көн символикасы буларак үсенте рәсеме салдылар.