Халык җырлары-халык күңеленең көзгесе, дигән Габдулла Тукай. Арча ягыннан чыккан затлы шәхесләр арасында Татарстанның атказанган һәм халык артисты, яраткан җырчыбыз, авылдашыбыз Шамил ага Әхмәтҗанов та бар. Ул “Хафизаләм иркәм”, “Арча”, “Бирәзә авылы”, “Әйдә, дустым, озат мине” җырлары аша халыкка танылды. Гаҗәеп моңлы, аһәңле, сихри тавышлы Шамил ага гомеренең күп өлеше Татарстан Дәүләт җыр һәм бию ансамбленә бәйле. Ул башка җырчылардан йөрәк түреннән чыккан моң белән аерылып тора. Моң дөньясына үтеп керү-ул халкыңның телен һәм рухын аңлап эш итү дигән сүз.Шамил ага, ургылып чыккан моң чишмәгез һәрчак матурлыкка, яхшылыкка, аклыкка-пакьлеккә үрләсен! Туган якларда гел дә шулай очрашырга язсын.