"Хезмәте барның, хөрмәте бар" дип халык юкка гына әйтмәгән.Ул үзенең сайлаган һөнәре белән халыкка хезмәт итә, яшәвен мәңгеләштерә.Барлык һөнәр ияләре арасында авыл хуҗалыгында хезмәт куючылар, икмәк үстерүчеләр аеруча хөрмәткә лаек. Авылның өстенлеге шунда ки, монда бөтен кешелекнең яшәү чыганагы, тормыш дәвамчысы булган икмәк җитештерелә.
Югары сыйныф укучылары өчен төрле һөнәр ияләре белән фикер алышу бик мөһим. Шул максатны күз уңында тотып, мәктәбебездә районыбызның, җирлегебезнең хөрмәткә лаек кешеләре белән очрашу булды. "Ак Барс" Агрокомплекс" җитәкчесе Абдуллин Л.И., Арча аграр сәнагать һөнәр көллияте директоры Дәүләтбаев З.М. 9 нчы сыйныф укучыларына үзләренең һөнәр сайлауга кагылышлы фикерләрен, теләкләрен җиткерделәр. Очрашуда Курса Почмак, Сикертән, Сеҗе, Курса мәктәпләренең 9 нчы сыйныф укучылары катнашты.