21 нче март көнне мәктәптә "Безнең кулларда яхшылык"дип аталган хәйрия ярминкәсе уздырылды. Игелекле һәм файдалы нәрсә эшләргә, яхшылык төшенчәсенең әһәмиятен арттырырга тагын бер искиткеч мөмкинлек. Укытучылар, укучылар, ата-аналар, мәктәп хезмәткәрләре дә читтә калмады. Бу ярминкә махсус хәрби операциядә катнашучы ир-атларыбызга ярдәм күрсәтү максатыннан оештырылды. Барлык сыйныф укучылары һәм аларның әти-әниләре әлеге чарада зур теләк белән катнаштылар. Хәйрия ярминкәсенә өлешен керткән һәр кешегә дә рәхмәтләребезне җиткерәбез. Хәйрия ярминкәсеннән җыелган акчага СВОда катнашучы егетләребез Мөхетдинов Рамазанга, Габидуллин Нәсимгә, Сафин Айдарга, Абдуллин Алмазга ( 8 нче сыйныф укучысы Абдуллина Наиләнең абыйсы) ризыклар, киемнәр әзерләнде.
Сугыш эчендә Ватанына тугры калып сугышкан Солдатларыбызга көчле булырга, туган якларына исән-имин кайтырга язсын дигән теләктә калабыз.