"Хезмәте барның, хөрмәте бар" дип халык юкка гына әйтмәгән.Ул үзенең сайлаган һөнәре белән халыкка хезмәт итә, яшәвен мәңгеләштерә.Барлык һөнәр ияләре арасында авыл хуҗалыгында хезмәт куючылар, икмәк үстерүчеләр аеруча хөрмәткә лаек. Авылның өстенлеге шунда ки, монда бөтен кешелекнең яшәү чыганагы, тормыш дәвамчысы булган икмәк җитештерелә.Югары сыйныф укучылары өчен төрле һөнәр ияләре белән фикер алышу бик мөһим.
Бүген 9 нчы сыйныфның ата-аналар җыелышы булып узды. Җыелышта "Ак Барс агро" комплексы җитәкчесе Абдуллин Л.И., "Ак Барс" холдинг компаниясенең кадрлар бүлеге башлыгы Манжосова Т.Н., "Арча аграр-сәнәгать һөнәр көллияте" дәүләт автоном һөнәри белем учреждениесе директоры Дәүләтбаев Зөлфәт Миннефарович катнашты. Алар укучыларга үзләренең һөнәр сайлауга кагылышлы фикерләрен, теләкләрен җиткерделәр.