"Курса Почмак мәктәбе тарихында бөек укытучы образы” исемле кичә мәктәбебезнең олы тарихын бөек укытучы - мөгаллим образы белән бәйләп бәян итте. Бүгенге көндә тарих битләре язылу дәвам итә. Аны көчле рухлы җитәкче Сабирҗанова Нурзилә Барый кызы әйдәп барган зур, заманча белем белән коралланган таза, нык коллектив яза. Тарих гел яңарып, үзгәреп тора.
Кичәбезгә балаларыбызга төрле елларда белем һәм тәрбия биргән укытучыларны, Остазларыбызны чакырдык.

Кадерле һәм хөрмәтле остазларыбыз! Сез биргән белемнәр, Сезнең үгет-нәсихәтегез безгә бүгенге катлаулы тормышта да дөрес юлдан тайпылмыйча, гел алга барырга ярдәм итә. Узегезгә дә белем биргән укучыларыгызның ярдәмен тоеп, рәхмәтләренә төренеп яшәргә насыйп булсын! Сезгә карата эчкерсез, ихтирамлы хисләребезне бернинди дә бүләк алыштыра алмаслык рәхмәт сүзе аша җиткерәбез, хөрмәтле мөгаллимнәребез. Рәхмәт Сезнең сабырлыгыгыз, зирәклелегегез, рухи дөньяга китергән юлыгыз өчен. Рәхмәт, мең рәхмәт!