Татарстан Республикасы Мәгариф һәм Фән министрлыгының регионара хезмәттәшлек секторы җитәкчесе Мусина Гөлия Фәргать кызы җитәкчелегендә районыбызның Курса Почмак мәктәбе директоры Сабирҗанова Нурзилә Бари кызы "2023-2030 нчы елларда Татарстан Республикасы Дәүләт телләрен һәм башка телләрне саклау, өйрәнү, үстерү" Дәүләт программасын тормышка ашыру, белем һәм тәрбия бирү өлкәсендә эшлекле һәм мәдәни элемтәләрне киңәйтү, эш тәҗрибәсен уртаклашу максатыннан, Россия Федерациясе Иркутск өлкәсенең Оса шәһәрендә мәктәп җитәкчеләре белән эшлекле очрашуда катнашты.Очрашу кысаларында Иркутск өлкәсенең татар милли компонентлы мәктәпләрендә булды.Түгәрәк өстәл артында бергәләп эшләү турындагы килешүгә кул куелды.Үзара эшчәнлекнең максаты булып, укыту һәм тәрбия өлкәсендә килешеп эшләү, укытучы һәм укучылар арасында шәхси мөнәсәбәтләрне ныгыту, укучыларның иҗат, әдәп, әхлак башлангычларын үстерү тора.