Лагерьның 19 көне "Профилактика көне. Исәнме. Светофор!". Лагерыбызда бүген балаларның юл йөрү кагыйдәләре турындагы белемнәрен ныгыттык. Светофор төсләрен аера белүләрен, аның буенча ничек хәрәкәт итүләрен тикшердек. Урамда йөргәндә игътибарлылык һәм ихтирамлылык тәрбияләдек, юл кагыйдәләренә буйсынырга өйрәттек. КВНда "Мактанчык үрдәкләр" һәм"Нәни чебиләр" командалары катнашты. Командаларның девизлары, җырлары башкарылды. Командаларга төрле биремнәр (табышмаклар,сораулар, мәкальләр, пазл, җөмләләрне тулыландыру, рәсем ясау) бирелде. Балалар өчен көнебез бик файдалы булды.