Лагерьның 7 көне "Музейлар көне". Бүгенге көнебез гадәттәгечә иртәнге физзарядка, линейка, тәмле иртәнге аштан башланып китте. Аннары "Иске Казан дәүләт тарих- мәдәният һәм табигать музей- тыюлыгы" на онлайн- экскурсия оештырдык. Иске Казан музей - тыюлыгына матур табигать ланшафты һәм изге урыннар керә: Иске Казан зираты, Гайшәбикә кабере, "Изге Мулла Хаҗи", Хан, Самовар чишмәләре. Бүгенге көндә Иске Казан музей-территориясендә Казан ханлыгына караган кирмән макеты ясалган. Алтын башня, сугыш кораллары, чүлмәк ясау остаханәсе, алачык, җил тегермәне, һөнәрчелек йорты, чәйхәнә, мәдәни чаралар үткәрү өчен сәхнә. Аннары мәктәпнең "Туган якны өйрәнү музее"нда булдык. Музей җитәкчесе Равилов А. Х. туган ягыбыз тарихы, музей экспонатлары, туган якның мәдәнияте һәм традицияләре белән таныштырды. Музей көне балалар өчен бик файдалы булды.