Көтеп алган җылы, язгы матур көннәр килеп җитте.Мәктәбебез укучылары, укытучылар җитәкчелегендә, туган җиргә мәхәббәт, соклану хисе, сакчыл караш, табигатьне сакларга омтылыш, экологик культура тәрбияләү максатыннан, язгы табигатькә сәяхәт оештырдылар. Авылыбызның соклангыч табигатен күрү өчен укучыларыбыз Кесмәс елгасы янында ял иттеләр, күңелле уеннар уйнадылар, балык тоттылар. Җитәкче апалары балаларга авылыбыз тарихы, табигатьнең истәлекле урыннары турында бик аңлаешлы итеп сөйләделәр. Сәяхәт укучыларга ошады, бик күңелле һәм файдалы булды. Әйләнә- тирәбездәге табигатьнең матурлыгы һәм муллыгы югалмасын, челтерәп аккан чишмәләре кипмәсен, җир өсте чәчәккә күмелсен, анда күбәләкләр очсын, матур-матур кошлар сайрасын.