Урамда яз җилләре исә, яз исе сизелә. Яз битләребезгә дә, хисләребезгә дә үзенең җылысын өрә. Яз үзенең сихри көчләре белән кешеләр күңеленә үк үтеп керә: җанга, рухка ниндидер көтелмәгән куаныч иңәр төсле, бәхет-шатлыкка юл ачылыр сыман… Яз ул өметләр һәм аңлаешсыз ниләрдер көтү вакыты, омтылулар, ашкынулар вакыты… Язлар матур, дибез. Ә бәлки яз хатын-кызлар бәйрәме белән башланганга шулай матурдыр?  Ә бәлки хатын-кызлар бәйрәмен үткәрү өчен нәкъ менә шундый матур яз көнен сайлау кирәктер? 

    Бүген мәктәбебезнең ир-ат укытучылары, егетләре хөрмәтле укытучы апаларыбызны  һәм матур кызларыбызны котлап бәйрәм концерты оештырдылар.