Безнең һәрберебездә кояш бар. Ул кояш - яхшылык, игелеклелек. Игелеклелек - башка кешенең кайгысын, шатлыгын үзеңнеке кебек кабул итә белү. Нәкъ менә шушы сыйфатлар кешене кеше итә.  Безнең төп максатларының берсе - балаларыбызда шәфкатьлелек, мәрхәмәтлелек, тәүфыйк-миһербан, игелек-изгелек, ярдәм, киң күнеллелек, кадер-хөрмәт, наз-игътибар, юмартлык, сабырлык, итагатьлелек кебек сыйфатлар тәрбияләү. Бу сыйфатлар өлкәннәргә хөрмәт һәм ярдәм итү кебек изге эштә ачыла.  Укучыларыбыз һәрдаим  үзләрендә шәфкатьлелек, кешелеклелек, миһербанлылык сыйфатлары булдыру өстендә эшлиләр. Барлык сыйныфта шефлык, тимурчылык эше планлы рәвештә алып барыла. Бу эш ел дәвамында барачак.