Быел миләш бик нык уңды.  Аның җиләкләре бик ачы булса да, составында бик күп файдалы матдәләр бар.  Миләштә ашкайнату эшчәнлеген яхшыртучы пектиннар бар. Аны чәйгә кушып эчәргә яки төнәтмәсен ясарга кирәк. А витамины микъдары буенча миләш кишердән калышмый. Көн саен бер аш кашыгы миләшне (кайнатмасын да ярый) йогырт, катыкка кушып ашарга кирәк. Чөнки бета-каротин сөт майлары белән яхшырак үзләштерелә. Күз күреме өчен аеруча яхшы.Шулай ук нерв системасын ныгытырга ярдәм итүче, стресслардан саклаучы, йокыны яхшыртучы В төркеме витаминнары бар. Миләш канның оючанлыгын яхшыртучы К витаминына бай. Миләш кышын кошларга да менә дигән азык.

           Бүген мәктәбебез укучылары күп итеп миләш уңышын җыеп, киптерергә куйдылар. Әфәрин! Бик игелекле эш!