Дистанцион укыту атна саен камилләшә бара. Мәгарифтәге чираттагы казанышларның берсе – онлайн ата-аналар җыелышы уздыру булды. Онлайн җыелышка килгәндә, 5,8,11, 6,7 класс җитәкчеләре бик күп кенә проблемаларга тукталып киттеләр. Беренчедән, өйдән уку күп вакыт баланың белемен тиешенчә бәяләргә ирек бирми. Икенчедән, укучыны мондый шартларда укытканда аңарда мөстәкыйльлек һәм җаваплылык тәрбияләү мөһим.  Мөстәкыйльлек һәм җаваплылык баланың киләчәге белән бәйле. Бала өч көннән соң барысын үзе аңлап эшләргә тиеш. Дәрес башланачак вакытны да, өй эшен эшләүне дә кабатлап, өйрәтеп торырга кирәкми. Әлегә укуны иртәрәк тәмамлау хакында сүз юк. Без барыбыз да шул рәвешле укуны һәм укытуны дәвам итәчәкбез.  Дәресләрне туктамасыннар иде. Урамга да чыгарга ярамагач, уку алар бик тә кирәк. Бала ни белән булса да мәшгуль булырга тиеш. Бу очракта аларның ике кулына бер эш – уку! – ди ата-аналар. Моңарчы без балаларны телефон-планшетта утыра дисәк, бүген хәлләр 180 процентка үзгәрде. Уку процессында төрле гаджетларны куллану практикасыннан башка булмый. “Без аны хәзер уку максатыннан кулланабыз. Укучылар техниканы яхшы белә, бу аларга укыганда да ярдәм итә”, – дип бәяли бүгенге хәлне мөгаллимнәр.