Бүгенге көндә  Бөек Ватан сугышы белән бәйле, тарихта борылыш ясаган вакыйга – фактларны билгеләп үтәбез. Бөек Ватан сугышы ачысын, героик битләрен ачкан кинофильмнарны “Кинога тукталыш” акциясе кысаларында регуляр нигездә күмәк карау оештырабыз. Сугыш барышына кискен борылышлар керткән Мәскәү янындагы сугыш, Курск һәм Сталинград сугышлары, сугыш операцияләрен яктырткан батырлык дәресләре, квестлар үткәрдек. 1-11 сыйныф укучылары Ленинград блокадасы балалары татыган сугыш ачысын ачып биргән кыска метражлы фильмнар, мультфильмнар карадылар.Үзебезнең төбәктән сугышта катнашучы ветераннарыбыз турында мәгълүматлар җыю дәвам итә. Сугыш елы балаларын, сан ягыннан шактый сирәкләнгән ветераннарыбызны бәйрәмнәр белән котлау, аларның истәлекләрен туплау эше дәвам итә. Шул уңайдан, 8 сыйныф укучылары, мәктәп музеенда саклана торган Бөек Ватан сугышы чоры истәлекләре белән танышып чыктылар.