Кошлар – безнең дусларыбыз. Әйдәгез, аларга ярдәм итик! Кышкы салкыннарда алар безнең ярдәмгә мохтаҗ.
Тышта кыш. Кешеләр җылы киемнәрен киеп, җылы машиналардан җылы биналарга күчеп, җылы өйләрендә бу салкын чорны кичерә. Салкын һавада калган җәнлекләр, кошлар – менә кемгә бу көннәрдә аеруча кыен. Салкыннардан җәнлекләр һәм кошларны табигый туннары гына коткара алмый. Аларга кышны исән чыгу өчен яхшы итеп тукланып торырга кирәк. Табигатьне саклаучылар кышкылык запас җитмәгән төбәкләрдә кыр дуңгызларына, башка урман хайваннарына ризык куйганын ишетеп, күреп торасыздыр, дуслар. Ә менә канатлы дусларыбыз – кошлар, салкыннардан куырылып, кешеләр яшәгән төбәккә ярдәм эзләп килә. Кар астында калган урманда аларга ризык табуы бик авыр. Аларга безнең игътибар, ярдәм кирәк.

Мәктәбебездә кошлар тормышын чагылдырган рәсем конкурсы булып узды. Рәсем конкурсында 1-4 сыйныф укучылары бик теләп катнаштылар һәм матур рәсемнәр иҗат иттеләр.