Гаилә һәр кешегә кирәкле җылы учак ул. Гаилә никадәр нык булса, аннан килгән җылылык та шулкадәр көчле була. Димәк, гаилә - ул иң олы таянычыбыз, иң ышанычлы сыеныр урыныбыз.Анда бер – берсен яраткан, бер – берсе турында кайгыртучанлык күрсәткән кешеләр яши. Гаилә - тормышыбызның нигезе. Гаилә нык, тату икән, димәк дәүләт тә нык, тату дигән сүз. Гаиләләребезнең үрнәк, тату булуы безне дә сөендерә.

        26 нчы ноябрь көнне мәктәбебездә ата-аналар җыелышы булып узды. Җыелышның беренче көн тәртибендә укучыларыбыз үзләренең кадерле кешеләрен, әниләрен,  Әниләр бәйрәме белән котладылар. Укучыларыбыз башкарган матур җырлар, дәртле биюләр, баянда башкарган көйләр көнебезне тагын да ямьләндерде. Бу бәйрәмдә  5 сыйныф укучылары бигрәк тә уңышлы чыгыш ясадылар.. Икенче көн тәртибендә балигъ булмаганнар һәм аларның хокукларын яклау буенча төп белгеч Яруллина А.А.презентация күрсәтте, аңлату эшләре алып барды. Өченче көн тәртибендә мәктәп директоры Сабирҗанова Н.Б. әниләрне бәйрәм белән котлады.  Дүртенче  көн тәртибендә укыту эшләре директор урынбасары Хаирова Г.С. 2019-2020 нче уку елының беренче чирек нәтиҗәләре белән таныштырды. Җыелышның калган өлеше классларда дәвам итте.