Балаларны гаиләдә намуслы, әдәп-әхлаклы, хезмәт белән гадел көн күрә, фарыз гамәлләрен үтәп, харәм эшләрдән тыелып яши белә торган итеп үстерү – ата-ананың халык, милләт, җәмгыять алдында олы, үтә җаваплы вазифалары. Аның шулай булуын күренекле педагог А.С.Макаренко сүзләре дә раслый. “Балалар - безнең картлыгыбыз, начар тәрбия - киләчәктәге кайгыбыз, күз яшьләребез, башка кешеләр һәм бөтен ил алдындагы гаебебез”, - дип яза ул. Бу сүзләр татар халкындагы бик үзенчәлекле, кисәтүле тәкъбир белән аваздаш: “Баладан бәхетең булса, карт көнеңдә яшь итәр, баладан бәхетең булмаса, иртә яшьтән карт итәр”. Димәк, әдәп-әхлаклы, иманлы, акыллы - түәфыйклы балалар үстергән кеше үзе дә тыныч картлык кичерә, андый гаилә милләт, халык бердәмлегенә, аның алгарышына да үзенең лаеклы өлешен кертә.

      Менә шул максатларны күздә тотып, төрле чаралар, конкурслар үткәрелеп килә.Бу көннәрдә укучыларыбыз һәм әти-әниләр комитеты "Дус класс серләре" конкурсына әзерлек эшләре алып баралар. Алар 3 номинациядә ярышачаклар: визитка, класс ата-аналар комитеты белән мәктәп, балалар эшчәнлеген чагылдырган проект, выставка. Һәр катнашучы үзенчәлекле итеп әзерләнәләр.