“Сәламәтлек – иң зур байлык” диләр.Чөнки ул булмаса, кеше бик күп нәрсәләрдән мәхрүм. Сәламәтлек – кеше бәхетенең нигезе. Исәнлек булганда гына кеше үзенең теләк - омтылышларына ирешә ала. Һәрберебез сәламәт булырга тели. Ә сәламәт булу – ул үзебездән тора. Районыбызда, мәктәбебездә сәламәтлегебезне ныгыту максатыннан, күп төрле чаралар уздырыла. 21 нче сентябрь көнне Арча шәһәрендә район беренчелегенә җиңел атлетика буенча кросс ярышлары булып узды. Ярышларда мәктәбебез командасы да актив катнашты. Физкультура укытучысы Хасанов Х.Х. беренче урынны алды. Хәлил Хөрмәт улын, кросста катнашкан барлык укучыларыбызны котлыйбыз, уңышлар теләп калабыз.