Язын һәм көз җиткәч, бөтен халык, бердәм булып, тирә-юнен җыештырырга чыга. Яз көнендә бу гамәл табигатьнең яңарышына ярдәм итү йөзеннән башкарылса, көзен исә, киресенчә, җәйге-көзге мул уңышны җыйнап алып, тирә-юнебез кышкы йокыга талыр алдыннан, җиргә йомшак ап-ак кар ятканчы, аны матурлап-чистартып куярга ашыгабыз. Көзге шимбә өмәсе - безнең матур, күркәм һәм чиста дөньяда яшисе килүебезне күрсәтү өчен искиткеч ысул ул. Салкынча аяз көнне барың бергә җыйнаулашып җиргә сибелгән сары, кызыл яфракларны җыештыру үзгә бер спорт бәйрәме сыман да әле ул.Мәктәбебез белән берлектә барыбыз да мәктәп бакчасындагы яшелчәләрне алдык, тирә-юньне тырмалап чистарттык.Өмәдә укучыларыбыз бик тырышып эшләделәр.