"Мәктәпкә ярдәм ит!" акциясендә мәктәбебездән беренче сыйныфка баручы өч укучы катнашты. Укучыларыбыз өчен Урта Курса мәктәбендә  бик матур бәйрәм чарасы үткәрелде.  Акция кысаларында күп балалы һәм аз керемле гаиләләрдә тәрбияләнүче балаларга хәйрия ярдәме күрсәтелде. Арча Мәгариф идарәсе җитәкчесе Мухамадияров Р.Д.  беренче класс укучыларына уку кирәк-яраклары тутырылган укучы сумкалары өләште һәм булачак беренчеләребезгә, аларның әти-әниләренә  изге теләкләрен теләде. Безнең кечкенә дусларыбызны сөендергәннәре өчен район җитәкчеләренә, Арча Мәгариф идарәсе җитәкчесе Рамил Данил улына, Урта Курса мәктәп коллективына  зур рәхмәтебезне белдерәбез.