Җәмгыятебезгә иҗади уйлый белүче һәм стандарт булмаган карарлар кабул итүче кешеләр кирәк. Бу- заман таләбе. Традицион укыту алымнары, эзлекле бер системага салынган булса да, хәзерге заман таләпләренә туры килми. Мәктәп биргән белем, тәрбия укучыга киләчәк тормышында ныклы нигез булып хезмәт итәргә тиеш. Олы тормыш юлына аяк баскач, алар үзләрен “океандагы ялгыз көймә” кебек хис итмәсеннәр иде. Мәгълүматлаштыру һәм яңа технологияләр шартларында тормышка яраклаша белүче яңа буын вәкилләрен тәрбияләү - заман укытучысының төп бурычы.

Һәрьяклап гармоник үсешкә ирешкән, тирәнтен фикерли алучы, иҗади сәләткә ия булучы шәхесләр хәзерге җәмгыятьнең нигезен тәшкил итәләр... Өлкән сыйныфларның гына түгел, ә инде башлангыч мәктәп укучыларының да белем алуга омтылышлары елдан- ел сүлпәнәя. Соңгы елларда бу проблеманы чишәр өчен бик күп көч куелды: инде онытылган педагогик технологияләр “казып” чыгарылды, чит ил тәҗрибәләре дә кулланылды, яңа концепцияләр уйлап табылды. Шул сәбәпле, укытуның яшәп килгән традицион метод һәм алымнары белән беррәттән, альтернатив системалар да куланыла башлады. Укучыларыбыз өчен төрле технологияләр куланыла. Проект яклау - дәвамлы һәм системалы эш булып тора. Бүген 10 сыйныф укучылары информатикадан проект якладылар.