Балачак һәм яшьлек - кешенең шәхес булып җитешү чоры. Әгәр бу җитешү төрле, кызыклы, файдалы гамәлләр майтарудан торса, бала тәрбияле, эшлекле, акыллы булып үсәр. Балалар оешмасы иҗтимагый тормыш мәктәбе ул. Биредә алар бүтәннәрне тыңларга, сүз белән ышандырырга, сер сакларга һәм яңалыклар тудырырга, эшне дөрес итеп оештырга, үз фикерен курыкмыйча әйтә белергә өйрәнә.

«Эшнең жиңеле юк» - ди халык. Әмма иң авыр эшне дә эмоциональ итеп, рухи күтәренкелек белән жиңәргә була. Балалар оешмасы әнә шул рухи күтәренкелекне бирүче ул. Оешмада йөрүче бала өлкәннәр тормышына зур әзерлек белән керә. Ул биредә ирекле аралашырга, үз мөмкинлекләрен билгеләп, күңелгә якын эшне сайларга, һәр нәрсәгә үз фикерен булдырырга өйрәнә.

Буген без 4 сыйныф укучыларын менә шушы оешмага Варислар сафына кабул иттек. Укучылар варисларның законнарын, кагыйдәләрен яхшы белүләрен тагын бер кат исбатладылар. Укытучылар, укучылар һәм килгән кунаклар каршында тантаналы төстә тырышып укырга, һәрчак үрнәк булырга сүз бирделәр.