Барлык биюләр арасында халык биюләренең әһәмияте зуррак. Хезмәт халкы тудырган биюләр милли төсмере белән гаҗәеп үзенчәлекле, анда халыкның тормыш-көнкүреш үзенчәлекләре чагыла. Татар халык биюләренә гадилек, нәфислек, тыйнаклык һәм образлы булу хас. Бу биюләр һәрвакыт халык тарихы, аның традицияләре белән бәйле булды. Бию хәрәкәтләренең, музыка, костюмнарның төрлелеге гади халыкның матурлыкны ни дәрәҗәдә нечкә тоя белүен чагылдыра. Һәрбер баланың татар халык биюен башкара белүе- җитәкченең педагогик һәм психологик осталыгын да күрсәтеп тора. Үз милли киеменнән татар халык биюен башкарган балада милләте белән горурлану, туган теле, туган ягына булган мәхәббәте ныклы формалаша. Безенең укучыларыбыз төрле биюләр башкаралар. Менә 18 нче апрель көнне Арчада булып узган "Арча балы " конкурсында катнаштылар. Гиззатуллина Фидалия, Гиззатуллин Эмиль Гумерова А.Д. белән берлектә вальс өйрәнделәр. Аларга "Иң матур пар" номинациясе бирелде. Альбина Данисовнаны, укучыларыбызны котлыйбыз.