Бу өлкәдә ниндидер уңышларга ирешергә телисең икән, иренмәскә, үҗәт булырга һәм сәламәт яшәү рәвеше алып барырга кирәк. Сәламәт яшәү дөрес туклану, саф һавада йөрү, алкоголь кулланмау, физик эш белән шөгыльләнү, көн саен күнекмәләр ясау, үзеңне чыныктыру белән генә чикләнми. Бу, иң беренче чиратта, ихтыяр көчең булу, авырлыклар алдында югалып калмау. Шул кагыйдәләр үтәлгән очракта гына спортта тиешле нәтиҗәләргә ирешергә мөмкин. Әйе, милли көрәш – әле шанлы үткәнебез, данлы киләчәгебез дә… Туган ягыңны ярату, милләтең белән горурлану, иң беренче чиратта, гаилә тәрбиясеннән, андагы үзара мөнәсәбәтләрдән киләдер. 

Егетләребез Курсада булып узган район буенча милли көрәш ярышында беренче урынны алдылар.Тренерлары Ахмадеев М.Г.ны, көрәшчеләребез Гиззатуллин Э. (1 урын), Хөснетдинов И. (2 урын), Рамазанов З.(2 урын), Ахмадеев Д.(3 урын), Хафизов И. (3 урын)  җиңүләре белән котлыйбыз, яңа үрләр теләп калабыз. Егетләребезгә  тормыш мәйданында узган көрәшләрендә гел өстен чыгарга, сынауларга бирешмичә, үзләренең көрәшче дәрәҗәсен саклап калырга, җиңүләрнең иң татлы мизгелләрен кичерергә насыйп булсын!