Наркоманнар. Алар-кешелеклеген җуйган, иманын саткан «тере мәетләр», шәүләләр.Наркомания 12-30 яшьлекләрне үзенә суырып ала .Наркомания бүгенге көндә чын-чынлап бәлага әйләнде. Элек аны “көнбатыш чире” дип атасалар, хәзер бу афәт безгә дә килеп җитте. Наркомания колы булучыларның күпчелеге бу ялгыш юлга, “берни дә белмәгәнлектән” кереп китә.Соңгы вакытта мәктәп яшендәге балалар арасында наркотик матдәләр кулланучылар, “яфрак көйрәтү” белән мавыгучыларның артып китүе, врачларны гына түгел, ата-аналарны hәм укытучыларны да хафага салды.Үз-үзенә кул салып күпме талантлар, өметле яшьләребез hәлак була. Беркайчан да үлемне сайларга ашыкмыйк. Кем беләндер киңәшләшү күпләрне ялгыш адымнан саклап кала.Чишелмәс мәсьәләләр юк, тора-бара барысы да рәтләнә, төшенкелеккә бирелүдән сак булыйк. Менә шул уңайдан, сәламәт яшәү рәвешен алга үстерү максатыннан, мәктәбебездә күп чаралар уздырыла. "Мөстәкыйль балалар" отряды, җитәкчеләре Рәмзия Рафисовна белән республикакүләм акциядә катнаштылар. 5,6,7,8 сыйныфларда "Наркотикларга -юк" исемле класс сәгатьләре уздырдылар. Үткәрелгән чаралар һәркем өчен файдалы булды, күп мәгълүмат бирелде.