Педагогик эшчәнлек - яшь буынны икътисади, сәяси, әхлакый һәм эстетик юнәлештә тәрбияләү буенча өлкәннәрнең максатлы рәвештә алып бара торган, иҗтимагый яктан файдалы эш хәрәкәтләренең берсе.Педагогик эшчәнлек төрле чаралар белән тормышка ашырыла. Шул уңайдан, педагогик киңәшмә булып узды. Киңәшмәдә 4 көн тәртибе каралды. Беренче көн тәртибендә сыйныф җитәкчеләре 2018-2019 нчы уку елының 3 нче чирек өлгереш һәм йөреш нәтиҗәләре белән таныштырдылар. Икенче көн тәртибендә мәктәп директоры Сабирҗанова Н.Б. алда торган имтиханнарга ныклы әзерлек кирәклеген искәртте. Өченче көн тәртибендә тарих һәм филология фәннәре метод берләшмәсе җитәкчесе Гыйбадуллина Г.М. чыгышы тыңланды. Дүртенче көн тәртибендә укыту һәм тәрбия эшләре буенча директор урынбасары Хаирова Г.С. арадаш аттестация, ВПР лар турында аңлатты, приказлар белән таныштырды.