Балаларның акыл үсеше, фикерләү дәрәҗәсе, психик һәм рухи дөньясы төрле-төрле. Кемдер - интеллектуаль яктан, кемдер - эмоциональ яктан, кемдер физик яктан көчле, кайбер балаларда әхлакый-ихтыяри көч зуррак. Һәр балага шәхси якын килеп эшләгәндә генә, аның үзенә генә хас булган үсеш дәрәҗәсе үзенчәлекләрен, табигый мөмкинлекләрен билгеләргә һәм сәләтен

ачарга мөмкин. Без баланың сәләтен никадәр тизрәк күреп алабыз, үстерәбез, уңай шартлар тудырабыз, шул очракта гына көтелгән уңышларга ирешә алабыз. һәр уңышка ирешүнең сәләт-талант нәтиҗәсе генә түгел, ә тырышлык нәтиҗәсе икәнен беләбез. Баланың сәләтен дөрес юнәлештә үстергәндә, ул берничә өлкәдә үзенең талантын күрсәтә ала. Башлангыч сыйныф укучылары да бик активлар. Районда булып узган шигырь конкурсында Гиниятуллина Нәзирә, Гиниятуллина Кәримә, Шакирова Ралинә, Шакирова Ильвина уңышлы гына чыгыш ясадылар,  сәнгатьле шигырь сөйләделәр. Аларга киләчәктә зур җиңүләр теләп калабыз.Укытучылары Ахметсафина Р.Р, Шиһапова Л.М. га рәхмәт белдерәбез.