Имтихан ул - һәрвакыт тикшерү һәм бәяләү. Ул белемнәрне тикшерү һәм аларның дәрәҗәсен бәяләү өчен уйлап чыгарылган. Ләкин еш кына имтихан рухи ныклыкны тикшерүгә әверелә.Укучыларның көтеп алган  язгы яллары башланды. Ләкин 9, 11 нче сыйныф укучылары өчен 2018-2019 нчы уку елы - зур сынау елы булып тора. Алар алдында бердәм дәүләт имтиханнарын тапшыру бурычы бар. Шул максатны күздә тотып, укучыларыбыз ялларда имтиханнарга әзерләнделәр. Алар өчен алдан ук ОГЭ, ЕГЭга хәзерлек графиклары төзеп куелды. Укучыларыбызга имтиханнарга ныклап әзерләнеп, уңышлы тапшырулырын теләп калабыз.Асылда безнең балалар бит уку фәннәре буенча гына имтихан бирми, алар авырлыкларны җиңәргә дә өйрәнә. Бала шуны аңларга тиеш. Белемнәрне шушы рә-вешле тикшерү - холыкны, ихтыяр көчен сынау ул. Кирәк вакытта үзеңне ачып бирә белү, гыйлемнең билгеле бер өлкәсендә үз казанышларыңны күрсәтә алу, югалып калмау, дулкынлануны җиңү - боларның барысына да өйрәнергә дә өйрәнергә кирәк.