"Мәгариф бүлеге"  идарәсе  район мәктәпләре укучылары катнашында "Без бергә" Республикакүләм балалар иҗат сәнгать фестиваленең муниципаль туры буенча гала-концерт уздырды. Халык авыз иҗаты әсәрләрен колачлаган  элеге чара бик матур, барлык кеше өчен дә файдалы һәм кызыклы булды. Монда бар да гади. Артык масаю да, пафослылык та юк. Шул ук вакытта үзенә күрә бер затлылык та сизелә. Һәм бу шулай булырга тиеш тә. Әлеге балалар халык иҗат фестиваленың максаты булып балаларның һәм яшүсмерләрнең нәфис - эстетик иҗатын үстерү тора. Халык мәдәниятенә, Россия халыклары традицияләренә карата хөрмәт тәрбияләү, этникара мөнәсәбәтләрне ныгыту, балаларда милли мәдәнияткә карата кызыксыну уяту, талантлы балаларны ачыклау һәм аларга ярдәм итү бурычын да күз алдында тота ул. Алты номинация билгеләнгән - "Хореография", "Халык вокалы", " Халык ансамбле", "Инструменталь ансамбль", "Сәнгатьле уку","Мода театры". Фестивальдә катнашучылар яшь буенча ике төркемдә көч сынашты. Аның беренчесе - 9-12 яшьлек кече группа булса, икенчесе -13-17 яшьлек урта группа. Фестиваль дүрт этапта уза. Башта мәктәпләрдә аның башлангыч этабы узды. Аннан сайлап алынган номерлар алда әйтелгән муниципаль этапта катнашты. Бу этапта җиңүчеләр апрель башында Теләчедә  узачак зона этабында катнашачаклар.  Гала-концертта мәктәбебезнең 9 сыйныф укучысы Башаров Булат "Нәфис сүз" номинациясе буенча чыгыш ясап, 1 дәрәҗә лауреат исеменә лаек булды. Булатны ихластан җиңүе белән котлыйбыз, киләчәктә уңышлар теләп калабыз.